..........أسئلة تقهر..........

بسم الله الرحمن الرحيم

اللهم صل على محمد وآل محمد وعجل فرجهم بظهور الغائب المؤمل


السلام عليكم ورحمة الله وبركاته

شوفوا هالأسئلة إللي تقهر صدق

انت الحين بغرفتك منسدح بفراشك ومطفي الليت فجأه يدخل عليك
اخوك\اختك ويفتح الباب ويقولك بتنام ؟!!

( لا برقص - اكيد بنام !!)

---------

انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع ؟؟!! )

(لا بس بجرب الباب يعني اكيد بطلع )

الصراحه سؤال خطير !!
--------

انت قاعد بغرفتك وماسك الكتاب قاعد تدرس .. يدخل عليك واحد من اهلك يقولك

(هاا قاعد تدرس !! )

(لا افرش اسناني !! يعني ماسك الكتاب شسوي اكيد ادرس )

--------

انت الحين بالقهوة صدفه شفت واحد من الاصدقاء او الاهل .. قالك هاا شتسوي هني !!

وأنت من حرتك ترد عليه (ابيع بصل) !!

--------

لا وتعالو شوفو قنواتنا العجيبه هم واسئلتهم الغبية !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير .

(( لا منكم المال ومني العيال))

يعني السؤال تحفه والمذيع ومعد البرنامج اتحف على هالسؤال

--------

والأتفه من هالبديهيات اللي تضيع وقتنا إذا قابلو الجهال -الاطفال)

يقول المذيع للجاهل :- أنت تحب ماما وبابا ! ! !

(( لا احبك أنت))
سؤال غبي الصراحه !!

--------

برنامج مسابقات على الهوا :-

المتصل :- الوو السلام عليكم

المذيع :- وعليكم السلام هلا وغلا

المتصل:- ممكن اشارك

(يعني انت داق ليش عشان تسمع صوتك على التلفزيون يعني ولا تتستاذن يعني من زود الادب !!)

من اخوكم
دمعه حزن .......